ཧ་ཧ་ཧ
རྒན་པོའི་གཏམ་གྱི་གླང་ཆེན་རུས།།
ཤི་ན་གསོན་ན་གསེར་སྲང་སྟོང་།།
ས་མཐའི་ཡུལ་གྱི་འདྲེ་ཐོ་ལགས།།
གཞོན་ན་རྒས་ན་སྣང་སྐྱིད་རེད།།
མེ་ལས་མཆེད་པའི་གཟུགས་པོ་སྟེ།།
རྒྱལ་སྟག་ནགས་ནས་མཆོངས་པ་འདྲ།།
མགྲིན་ལས་མཆེད་པས་ངར་སྐད་དེ།།
འབྲོང་རྒོད་རི་ནས་ངུར་པ་འདྲ།།
གཤོག་ཟུང་བརྐྱངས་པས་ལག་ཟུང་ཏེ།།
གཡང་གཟར་བྲག་གི་གླག་རྒོད་འདྲ།།
སྨིན་ཟུང་བསྡུས་པས་འཇིགས་ཉམས་ཏེ།།
གནམ་ས་གཡོ་བའི་རླུང་ནག་འདྲ།།
གསེར་མདངས་འཕྲོས་པའི་དབུ་སྐྲ་སྟེ།།
རྟ་བདུན་དབང་བོའི་བརྗིད་ཉམས་འདྲ།།
མཛེས་མའི་བསྐོར་པའི་གཞས་ར་འདི།།
མངའ་བདག་རྒྱལ་པོའི་ཕོ་བྲང་འདྲ།།
评论
发表评论