༄༅།། ཡུལ་ལྷ་གཞི་བདག་བདེའམ།
༄༅།། ཡུལ་ལྷ་གཞི་བདག་བདེའམ།
རྫ་རི་དང་ནགས་རིར་འགྲིམ་སྐབས།།
ཆུང་ཆུང་བྱིས་པ་ཡིན་དུས།།
ནགས་མགོའི་ལུག་བལ་འཐུ་ཞོར།།
ཟོག་ལུག་འཚོས་པ་དྲན་བྱུང་།།
བརྙན་མིག་ནང་གི་ཡུལ་ཁམས།།
ཆུང་དུས་རུས་པ་བཏུ་སའི།།
རྨ་ཡུལ་ཐང་ཆེན་དེ་མིན།།
སུད་སིའི་ཡུལ་ལྗོངས་ཡིན་འདུག།
གངས་རིའི་ར་བས་བསྐོར་པའི།།
ཁ་བ་བོད་མིའི་ལུང་པའི།།
རྫ་རི་ནགས་རི་དེ་ཚོའི།།
ཡུལ་ལྷ་གཞི་བདག་བདེའམ།།
ཆུང་དུས་ལྟེ་ཁྲག་འདོར་སའི།།
སྐྱེ་ས་སྐྱེ་ལྷའི་གནས་སྟངས།།
མ་ཐོས་ཡུན་རིང་འགྱངས་སོང་།།
ད་ལོ་འགྲོ་ནི་ཐུབ་བམ།།
དྲིན་ཅན་ཕ་མ་འགྲོ་ཚར།།
མ་ཤི་གསོན་བྲལ་མིན་པས།།
སོང་ཡང་མཇལ་རྒྱུ་མི་འདུག།
མཇལ་ས་ཕྱི་མའི་ཡུལ་ཡིན།།
རྩོམ་མཁན། ཐོ་ཐོ། 09.02.2024
评论
发表评论