༄༅།། ང་དང་གཡུལ་ས་གཉིས་ཀྱི་བར་ཐག་དེ་ཇེ་ཉེ་ནས་ཇེ་ཉེའོ།
༄༅།།
ང་དང་གཡུལ་ས་གཉིས་ཀྱི་བར་ཐག་དེ་ཇེ་ཉེ་ནས་ཇེ་ཉེའོ།
མེ་མདའི་སོ་ཁུང་ནང་དུ་ཚུད་པ་གང་།།
དངོས་སུ་དགྲ་བོར་སྙམ་ཚེ་ཁྲོས་བས་སྨྱོས།།
མདེའུ་གཅིག་རེའི་རྩེ་ནས་སྲོག་གཅིག་ཕྱིན།།
གཡུལ་ས་དངོས་དེར་ཞུགས་འདོད་ཡང་ཡང་སྐྱེས།།
དེ་རྣམས་དགྲའོ་འཛམ་གླིང་མང་ཕྱོགས་པའི།།
དེ་རྣམས་གྲོགས་ལགས་འགྲོ་བ་མི་ཡིན་ཕྱིར།།
དགྲའམ་གྲོགས་སམ་འགྲོ་བ་མིའི་རིགས་ཀྱེ།།
བསམ་ན་རྒྱལ་ཁབ་རྒྱལ་མཚམས་མཁོ་དོན་མེད།།
གོ་ལ་འདིའམ་ས་སྒང་ཧྲིལ་པོ་འདི།།
རྒྱལ་ཁབ་གཅིག་ཏུ་བསྐྲུན་ཏེ་ཀུན་གྱིས་ནི།།
མི་རིགས་སྣ་འཛོམས་ཅན་གྱི་རྒྱལ་ཁབ་ཞེས།།
སྔར་ཡོད་རྒྱལ་མཚམས་མེད་པར་བཟོ་ཐུབ་བམ།།
ཐཽས། 19.07.2023
评论
发表评论