༄༅།། འགྲོ་བ་མི་ཟེར་བ།
༄༅།། འགྲོ་བ་མི་ཟེར་བ།
མི་གཤིས་ཟེར་ཡང་གཡོ་བའི་སེམས།།
འདོད་ཆུང་ཆོག་ཤེས་མི་བྱེད་པ།།
ཕྱོགས་རེས་ཐེན་འཁྱེར་མི་དོར་བ།།
སེམས་ཅན་གཞན་ལ་མི་བྱམས་པ།།
མི་ཚེ་ཟེར་ཡང་ཉིན་དང་མཚན།།
བརྗེ་རེས་བྱེད་པའི་དུས་ཡུན་ཙམ།།
མཚན་མོར་མི་ཚེ་རྨི་ལམ་ནང་།།
ཉིན་མོར་མི་ཚེ་སེམས་འཁྲལ་ཁྲོད།།
མི་ལུས་ཟེར་ཡང་གཙོ་ཤོས་སེམས།།
སེམས་ཀྱི་ནུས་པ་ཁྱད་པར་བས།།
སེམས་ཅན་གཞན་གྱི་བདག་དབང་འཕྲོགས།།
འཇིག་རྟེན་བརླག་པའི་རྡུལ་རྫས་བསྐྲུན།།
ཐོ་ཐོས། 25.05.2023
༄༅།། འབྱོར་ལྡན་པ།
ཕྱུག་མདོག་སྟོན་ནམ་རྒྱུ་ངོམ་ཕྱིར།།
འབྱོར་ལྡན་འདུ་སའི་རྩེད་ར་དུ།།
ཤོག་དངུལ་ནམ་མཁར་རླུང་རྟ་བཞིན།།
ཕངས་མེད་གཏོར་བ་མཐོང་ངམ་ཀྱེ།།
བློས་གཏོང་ཕོད་པའི་རྒྱུ་ནོར་གང་།།
སུ་ལ་མཁོ་བ་དེར་གནང་བ།།
བྱམས་བརྩེས་་བསྟུམས་པའི་སྦྱིན་པ་ལགས།།
འབྱོར་ལྡན་དག་ལ་ལྷག་མའོ།།
ཐོ་ཐོས། 25.05.2023
评论
发表评论